Antón Patiño e Antón Reixa: Historia do Rock and Roll

Historia completa por fascículos

En 1985 a Universidade de Santiago de Compostela publicou este poemario de Antón Reixa, Historia do Rock and Roll.


Na sua capa reproducíanse unha serie de deseños creados por Antón Patiño. Acompañando os textos incluíanse varias fotografias de X. L. Suárez Canal tiradas do video Salvamento e Socorrismo así como tres Epígrafes ao final da obra nas que Henrique Monteagudo, Arturo Leyte Coello e Xosé Luís Méndez Ferrín aportaban un ensaio cada un.

Os deseños de Patiño

A obra componse de tres partes: Rock and Roll -fascículos-, Cemiterio de Coches -epopeia-, e Salvamento e Socorrismo.

Facendo o imbécil na casa

«o amor é un óxido grabar cintas magnetofónicas virxes unha cinta virxe mollada con algún ácido disolvente o ácido oxida a cabeza lectora do magnetofón título o amor é un óxido»

Extracto de Rock and Roll -fascículos-

Facendo o imbécil no desguace

«plástico ZAS pero a primavera ZAS é aínda peor ZAS o silencio dos cemiterios ZAS é coma o sorriso de chimpancé ZAS o cerebro ZAS está feito de champiñóns ZAS os nervios ZAS son coma os tirantes ZAS a primavera ZAS é aínda peor ZAS»

Extracto de Cemiterio de Coches -epopeia-

...cos servizos de emerxencia tamén

«o socorrismo unha técnica un estado de ánimo

conserva-lo sangue frío face-los xestos de urxencia

o socorrismo forma parte da educación do home

protecxción civil organiza-la protección as persoas os bens

tempo de paz tempo de guerra evacuación

identificación depósito de cadáveres resgate transporte

montarlle un nervio por riba do outro

membro esmagado non seccionado

membro ferido golpe violento contusión fractura

garrote sen apretar garrote de espera

membro seccionado non sangra inmediatamente

esmagamento prolongado dun membro apresado

morte súpeta por supresión de garrote

foi intuisión miña ninguén mo ensinou

das picaduras dos insectos das serpes feridas de guerras

o home representou a enfermidade como a introducción

un corpo extraño no organismo

pode extraerse por succión facendo presión cos dedos

pola parte contraria con toda a coraje

casos reais circular en coche noite un motorista cae

a estrada húmida non pode erguerse feridas na cara

pernas paralisadas achéganse outros vehículos»

Extracto de Salvamento e Socorrismo